Les permiers separts coutumiérs de la Bertègn sont les “bro” (payiz ou pervinces). I n-n a neuf, come montrë su le Gâre-Nair (Gwenn-ha-Du) par neu bandes naires e bllanches. Biao qe les payiz-la n’ont asteure pus aoqhun role oficiao depés 1790 cant qe les departements furent levës, le monde s’aqenéssent tenant den yeûs pâs-meins.
Les rolons-la furent minz su bout d’ofice par les bertons pour prendr la sieute de la fezanderie romaine cant qe lous empire chayit. Meins sembele q’il ont tout come eune veritë oumaine e istoriqe remontant de pus lein. A-don, les separts vont ben o la jeyografie (rivieres, crétes de butes) ou ben o des merqes oumaines de l’Antiqhitë come ça seraet des roches piqhées o des noms d’endrets gaolouéz.
Etout, les separts-la vont manierement o les terroueres és gaolouéz d’aotrfai. La terre és Osisms advient ben o la Cornouâille-Leyon-Tregor; le payiz de Vane retire den le terrouere des Venetes; les Coriosolites restaent den les payiz de Saint-Berieu, de Dou pis du Cllôz-Poulet; Les Namnetes e les Riedones donirent lous nom és viles de Naonte e Rene.
Orine : Provinces historiques (Geobreizh)